ارنا کے مطابق ایران کے شہری ترقیات اور نقل وحمل کے نائب وزیر محمد امیرانی نے پیر کے دن کہا کہ مشرق وسطی میں کشیدگی میں شدت کے بعد یورپی یونین کی شہری ہوابازی کی سیکورٹی ایجنسی نے 29 نومبر 2024 کو ایک اعلامیہ جاری کرکے فضائی کمپنیوں کو ہدایت کی تھی کہ ایران کی فضائی حدود سے گزرنے کے لئے سیکورٹی کے معاملات کا اچھی طرح جائزہ لے لیں۔
انھوں نے کہا کہ اس مدت کے دوران بھی ایران کی فضائی حدود مکمل طور پر پر امن اور محفوظ تھیں اور روزآنہ 700 سے زائد بیرونی پروازیں ہماری فضائی حدود سے گزرتی تھیں۔
ایران کے نقل وحمل کے نائب وزیر اور محکمہ ایئرپورٹس کے سربراہ محمد امیرانی نے بتایا کہ یورپی یونین کی فضائی سیکورٹی ایجنسی کے مذکورہ اعلامیے کی مدت 31 جنوری کو ختم ہوگئی جس کے بعد متعدد غیر ملکی فضائی کمپنیوں نے ایران کی فضائی حدود سے اپنے طیاروں کے گزرنے کے لئے آمادگی کا اعلان کردیا ہے۔
انھوں نے کہا کہ لوفتھانزا نے بھی ایران کے لئے اپنی پروازیں بحال کرنے کا اعلان کردیا ہے اور آئندہ چوبیس گھنٹے میں ایران کی شہری ہوابازی نیز ایئر ٹریفک کنٹرول کے ساتھ اس کی مٹنگوں کے بعد اس اہم فضائی کمپنی کی پروازیں ایران کے لئے شروع ہوجائيں گی۔
آپ کا تبصرہ